خیبر کنٹریکٹرزایسوسی ایشن مرکزی کابینہ کے پہلے اجلاس کا پریس ریلیز 

خیبر کنٹریکٹرز ایسوسی ایشن نے واضح کیا ہے کہ ضلع خیبر میں تمام ترقیاتی محکمے چھوٹے ٹھیکیداروں کے ساتھ امتیازی سلوک بندکرکے تمام ٹینڈرز کو سنگل سٹیج سنگل اینولپ کے طریقہ کار کے مطابق لگا کر غریب اور بے روزگار ٹھیکیداروں کو کاروبار کا موقع فراہم کریں جبکہ ترقیاتی محکمے بلوں کی ادائیگی اور سیکورٹی ڈپازٹس کی ریلیزنگ میں تاخیری حربے استعمال نہ کریں،بصورت دیگر ملوث متعلقہ ذمہ داروں کے خلاف قانونی چارہ جوئی کی جائے گی۔ان خیالات کا اظہار خیبر کنٹریکٹرز ایسوسی ایشن کے مرکزی کابینہ کے پہلے اجلاس میں کیا گیا جس کی صدارت خیال جان آفریدی کررہے تھے۔اجلاس میں جنرل سیکرٹری موسیٰ خان،سینئرنائب صدر حاجی محمدآمین،نائب صدر حاجی عبیداللہ ڈپٹی جنرل سیکرٹری انجینئر داؤد،فنانس سیکرٹری حاجی لال مرجان،ڈپٹی فنانس سیکرٹری انجینئر افتخار،پریس سیکرٹری خیال مت شاہ،صدر کے مشیر خاص سہیم خان،ایڈمن سیکرٹری حاجی یوسف،رابطہ سیکرٹری عیداکبر اورآفس سیکرٹری گل کند نے شرکت کی۔اجلاس میں کہا گیاکہ تمام ترقیاتی محکموں میں عرصہ دراز سے تعینات اور تین سال سے زائد عرصہ اپنے پوسٹ پر مسلسل براجماں ہونے والے سب انجینئر سے لیکر ایس ڈی او اور اکاونٹ برانچ سے لیکر کلاس فور تک کے بدعنوان اہلکاروں کو نشاندہی کے بعد ان کے خلاف محکموں کے اعلیٰ افسران کو تحریری شکایتیں کی جائے گی۔ اجلاس میں یہ بھی کہا گیا ترقیاتی محکموں کے تمام نوعیت کے ٹینڈرز کو کے سی اے زیر نگرانی کرانے اور ٹینڈر مافیا کے خلاف بھر پور طریقے سے ایسوسی ایشن کے چھوٹے ٹھیکیداروں کے باہمی اتحاد سے ان کی اجارہ داری کا ڈٹ کرمقابلہ کیا جائے گا جبکہ یونین کی مکمل کوشش ہوگی کہ سنگل سٹییج سینگل اینولپ کے ٹینڈر لگائے جائیں گے۔ اجلاس میں فیصلہ کیا گہ کہ کل بروز جمعرات تین ترقیاتی محکمہ جات کے ساتھ کابینہ ممبران تعارفی سیشن کے ساتھ ساتھ ضلع خیبر کے ٹھیکیداروں کو درپیش سنگین نوعیت کے دفتری مشکلات یعنی بلوں ادائیگی،سیکورٹی،ٹی ایس،محکمہ کمیشن اور دیگر اہم مسائل پر گفت و شنیدہوگی۔اجلاس میں کابینہ نے یہ بھی فیصلہ کیا کہ لوکل گورنمنٹ کے سابقہ ٹینڈر میں ضلع خیبر کے ٹھیکیداروں کے ساتھ ناروا رویے اور غیر قانونی طور پر کال ڈپازٹ روکنے پر ٹیکنیکل سٹاف کے خلاف کل ڈی جی لوکل گورنمنٹ کو احتجاج ریکارڈ کیا جائے گا جس کے لئے متاثرہ ٹھیکیداروں کو کل لوکل گورنمنٹ کے ڈی جی آفس میں جمع ہونے کے ہدایات جاری کئے گئے اور عرصہ دراز سے لوکل گورنمنٹ کے ایک ٹینڈر میں پھسے ہوئے ٹھیکیداروں کا دیرینہ مسلہ حل کرنے کیلئے ہرممکن تگ ودو کرانے کا بھی عزم ظاہر کیا گیا۔ اجلاس میں نئے کابینہ ممبران کو مبارکباد پیش کیا گیا جبکہ نئے ممبران نے بھی اس عزم کا اعادہ کیا کہ کے سی اے آئین کی پاسداری اور ٹھیکیداربرادری کے مسائل کے حل کیلئے منتخب کابینہ کے شانہ بشانہ کھڑے رہیں گے اور کے سی اے پر کوئی آنچ نہیں آنے دیں گے۔ اجلاس کے دوران کابینہ عہدیداران نے کے سی اے کے نئے آئین پر دستخظی کرکے آئین کی پاسداری کا عہد کیا۔